CENTENARIO DE JULIO CORTÁZAR.

JULIO FLORENCIO CORTÁZAR 

(1914-1984), foi un escritor e tradutor de nacionalidade arxentina. En 1981 adquire a nacionalidade francesa en protesta contra a dictadura dos militares arxentinos. Escribíu novela, ensaio, poesía, etc

O 26 de agosto de 2014 celébrase  o  centenario doseu nacemento.  

LETRAS GALEGA 2015. XOSÉ FILGUEIRA VALVERDE.

     O Plenario da Real Academia Galega (RAG) acordou, na sesión ordinaria do pasado sábado, 5 de xullo de 2014, dedicarlle o Día das Letras Galegas 2015 ao historiador e escritor pontevedrés Xosé Filgueira Valverde (1906-1996). No que respecta á súa obra, salientan as súas achegas á nosa historia e etnografía, así como ao estudo da literatura galega medieval. No ámbito cultural, a RAG destaca o seu papel como membro fundador do Seminario de Estudos Galegos, director do Museo de Pontevedra e conselleiro de Cultura. Para ampliar esta nova, preme aquí.

ESCOLMA DE ESOPÍAS 2013-14

Escolma de esopías presentadas polo alumnado de 1º de ESO ao III concurso convocado no centro.

PRIMERIO PREMIO E MENCIÓN DO XURADO NO CONCURSO "PALABRAS SEN PAPEL"

Hoxe, 21 de maio, entregáronse no Centro Cultural Ágora, da Coruña, os premios do concurso de vídeo-poesía "Palabras sen papel".
O primer premio foi para o traballo das nosas alumnas María Geremías, Carolina Galán e Celia Acción.
Ademáis, recibiu unha mención especial do xurado o vídeo poema de Neves Eiriz e Sofía Sabio.

Parabéns ás premiadas e a todos os participantes pola moita calidade e beleza dos traballos.

PRIMEIRO PREMIO:

MENCIÓN DO XURADO:

LETRAS GALEGAS 2014. XOSÉ MARÍA DÍAZ CASTRO

A REAL ACADEMIA GALEGA DA LINGUA DECIDIU HOMENAXEAR O 17 DE MAIO DE 2014 AO POETA

XOSÉ MARÍA DÍAZ CASTRO (1914-1990) é autor de NIMBOS(1961) considerada un dos cumes da poesía galega moderna, e que contén o célebre poema "Penélope" xustamente célebre pola súa beleza e fonda reflexión sobre Galicia e o seu fado histórico.
VÍDEO DOCUMENTAL NO QUE PARTICIPA XOSÉ MARÍA DÍAZ CASTRO LEMBRANDO A SÚA VIDA E RECITANDO ALGÚNS DOS SEUS POEMAS.

Gravado no ano 1987, o filme foi remasterizado para celebrar o Día das Letras Galegas 2014, dedicado ao poeta de Guitiriz.(Secretaría Xeral de Política Lingüística)

 LIÑA DE TEMPO SOBRE O ESCRITOR

                                                                                                         

12 DE MAIO DÍA ESCOLAR DAS MATEMÁTICAS

No ano 2000, Ano Mundial das Matemáticas, a Federación Española de Sociedades de Profesores de Matemáticas (FESPM) instituíu  o día 12 de maio como Día Escolar das Matemáticas. Esta data elixíuse en honor a Pedro Puig Adam, nado o12 de maio de 1900 e internacionalmente recoñecido no campo da ensinanza das Matemáticas.

Neste ano 2014 a nosa biblioteca quere dedicarlle este día a insigne matemática MARÍA WONENBURGER PLANELLS, nada no Concello de Oleiros en 1927.
O Concello de A Coruña comprendendo a importancia desta egrexia matemática dedicoulle un monolito (2011)  no PASEO DAS CIENCIAS, creado para homenaxear a aquelas figuras científicas máis sobranceiras de galicia e que se ubica a carón da casa das Ciencias, monte de santa Margarita. 

Asimesmo o concello de Oleiros inaugurou un parque en Montrove (2012),  co nome de MARÍA WONENBURGER, lugar no que naceu.
Vídeo paseo das ciencias:

O 10 DE MAIO CELEBROUSE NA CORUÑA, NA CONTORNA DA CASA DAS CIENCIAS, O DÍA DA CIENCIA NA RÚA.

NO SEGUINTE VÍDEO PÓDENSE OBSERVAR DISTINTOS TRABALLOS REALIZADOS POLO ALUMNADO DOS  CENTROS DE ENSINO PARTICIPANTES.

II CONCURSO DE ESOPÍAS CONVOCADO POR AGAPEMA

A Asociación Galega do Profesorado de Educación Matemática (AGAPEMA) da zona da Coruña convoca para estudantes e adultos o II Concurso de Esopías.  

¿Queres ver algúns exemplos de Esopías? Pincha AQUÍ

BASES:

1. Poderá participar calquera persoa dentro das categorías que se sinalan na base terceira.
2. Os participantes presentarán unha esopía inédita, en castelán ou galego, segundo a guía que se acompaña nesta convocatoria, e tendo en conta a definición da mesma: Esopía é un relato, comentario ou poema, cun máximo de 140 carácteres (tweet), onde cada palabra leva un número de letras igual ás sucesivas cifras do número π.
A esopía terá un mínimo de cinco palabras.
3. Establécense tres categorías nas que o xurado designará un gañador por categoría:

• Alumnos de Primaria e primeiro ciclo da ESO.
• Alumnos de segundo ciclo da ESO e bacharelato.
• Adultos, maiores de 18 anos

4. A maiores das categorías anteriores, otorgarase un premio especial patrocinado por educaBarrié á obra máis votada na web polos usuarios.
5. Os participantes poderán presentar ata un máximo de 3 esopías, pero só terán opción a un premio.
Os premios poderán ser declarados desertos.
6. O prazo de entrega remata o 11 de abril de 2014.
7. As esopías deberán enviarse utilizando o formulario desta web (pincha AQUÍ) e ir acompañadas de tódolos datos que se solicitan.

• Nome completo.
• NIF.
• Categoría na que participa.
• Enderezo electrónico e teléfono.
• Centro ao que pertenece e estudos que realiza, se é o caso.
• Declaración xurada da autoría da esopía.

8. O xurado estará composto por membros de AGAPEMA.
9. A data de entrega dos premios será o sábado, 26 de abril de 2014, durante a celebración da VIII Feira Matemática (PALEXCO). O resultado do concurso  será publicado na páxina web da Feira Matemática (feira.agapema.org) e tamén nesta web.
10. AGAPEMA resérvase a propiedade, durante dous anos, das esopías premiadas, así como dos dereitos de publicación nos medios que considere oportunos. Neste senso o autor renuncia, durante este período de tempo aos seus dereitos de autor.

11. A participación nesta convocatoria implica a aceptación das normas contidas nas presentes bases, así como a decisión do xurado que será inapelable.

AIDAN PARDO GAÑA O 1º PREMIO DE MATMONÓLOGOS

O GAÑADOR DO CONCURSO DE MATMONÓLOGOS (26-04-2014) convocado por AGAPEMA-EDUCABARRIÉ e dirixido a PRIMARIA e ao  1º ciclo de  ESO, foi AIDAN PARDO de 2º D.
 

Yo no quería escribir hasta que vino la profe de mates y ya 

está. No pude decir ni Пo. Bueno, ahora que empecé, ¿por 

qué parar? Total, es hablar sobre esta asignatura, que no 

tiene nada que ver con la Lengua. Más bien es como hacer 

equipos en el fútbol: uno aquí, otro allí, estos dos para mí y 

ese otro para ti.

La volvemos loca a nuestra profe. Nos dice “¡menos mal que 

tengo piedad!” y yo pienso: “¡Dios, qué joven! Tiene 3,1416 

años. ¡Qué va! En realidad, tiene 5+2. ¿Lo entiendes? 

¿Cómo que no? Tiene 52 años. ¿Lo ves? Las Matemáticas 

 nos hacen cosas raras en la cabeza. Yo digo: “6/6, ¿cuánto 

es?” y me dicen :”1″. Y yo digo: “No. Es una caja de pizza 

vacía”.

23 DE ABRIL, DÍA DO LIBRO E DOS DEREITOS DE AUTOR.

A UNESCO no ano 1997 estableceu o 23 de abril como DÍA MUNDIAL DO LIBRO E DOS DEREITOS DE AUTOR.

NESTE DÍA DO LIBRO DE 2014 A NOSA BIBLIOTECA RECOMENDA OS LIBROS DE GARCÍA MÁRQUEZ.

GABRIEL GARCÍA MÁRQUEZ.

           


    Gabriel José de la Concordia García Márquez coñecido como  Gabriel García Márquez, Foi un  escritor, novelista, contista,  guionista, editor e periodista colombiano.                         
En 1982 recibíu o Premio Nobel de Literatura.