Recomendacións para o verán

Xa chega o fin de curso e Biblioeba ten unha morea de recomendacións para este verán: 

Representación de El Retablo de las Maravillas

O pasado luns, 13 de maio, o alumnado de 4º ESO A representou unha adaptación do entremés de Cervantes, El retablo de las Maravillas, para os usuarios do Centro de día do Burgo.

Tanto a actuación como o coloquio posterior foron unha experiencia inesquecible!

Obradoiro de papel reciclado

Dentro das actividadaes progamadas para a conmemoración do Día do Libro, o alumndo de 1º de ESO leva a cabo un obradoiro de papel reciclado. 

Nesta actividade participan o Departamento de Educación Plástica e Audiovisual, o Club de Ciencia e o Equipo de Dinamización de BIBLIOEBA.

  

Aquí tendes unha mostra dos traballos             realizados.

Novos xogos en Biblioeba

 En Biblioeba, seguimos a incrementar os xogos para tempo de lecer (e aprender):

Non o dubides, ven a BIBLIOEBA!

Apadriñamento lector

 

Dentro das actividades do Mes do Libro, este curso retomamos o Apadriñamento lector, unha actividade inerxeracional na que o alumnado de 4º ESO e primeiro de bacharelato acolle ao alumnado  de Infantil do CEIP Ría do Burgo.

Comezaron cun contacontos sobre Luísa Villalta,  a continuación decoraron violíns e, para rematar, visitaron a exposición de libros preparado pola Biblioteca Municipal do Fórum e participaron dos espazos de arte e xogos de Biblioeba.

Última reunión del Club de Lectura de Bachillerato

 Hoy nos despedimos del alumnado del Club de Lectura de Bachillerato con un cambio de impresiones sobre la obra de teatro de Juan Mayorga, El chico de la última fila.

Agradecemos especialmente su participación al alumnado de segundo de bachillerato, que hoy termina sus clases, por su activa colaboración a lo largo de este curso.

Mucha suerte y recordad que siempre formaréis parte de la familia lectora de  Biblioeba.

Vicent van Gogh en "Lectura e familias"

 

Nas últimas sesións do programa "Lectura e familias" coñecemos un pouco máis a figura de Vicent van Gogh partindo da lectura do libro O pintor do sombreiro de malvas, de Marcos Calveiro.

Foron dúas sesións con moita arte, na que ata fixemos a nosa versión da famosa Noite estrelada. 

Moitas grazas a todas as familias.

Escarlatina, a cociñeira defunta: Proxecto interdepartamental

O alumnado de 2º de ESO participa nun interesante proxecto a partir da lectura da obra de Ledicia Costas, Escarlatina, a cociñeira defunta.

Xa teñen elaborados menús en galego, inglés e en francés:

Proxecto interdepartamental

O noso alumnado de 21 de ESO traballa os conceptos matemáticos da proporcionalidade e porcentaxe a través de follas de cálculo no marco do noso proxecto máis internacional.

Charla con Violeta Meléndez

 

O alumnado do club de lectura de 3º de ESO tivo a oportunidade de charlar con Violeta Meléndrez @littera_lupa, quen, ademáis de falar da súa e doutras contas de difusión da literatura galega nas redes, fíxolles un montón de recomendacións de lectura.

Sempre é un pracer recibir a súa visita!

Charla sobre Terraformación de Marte

O pasado 22 de abril,  o alumnado de 1º de bacharelato de Bioloxía e CUCI asistiu a unha charla sobre a Terraformación de Marte, impartida por Borja Tosar.

Moitas grazas, Borja, polo teu tempo e a túa dedicación, e por achegarnos un tema tan interesnate dun xeito tan ameno

Día do libro

 Este ano, para conmemorar o Día do Libro, BIBLIOEBA convoca 

CONCURSO DE REDACCIÓN

Durante os dous recreos, na Biblioteca, poderás escribir un texto de entre 50 e 100 palabras, no que apareza a palabra libro.

Os textos poden estar en galego ou en castelán.

Outorgaranse tres premios (coa colaboración da ANPA) por categorías:

• Primeiro e segundo de ESO
• Terceiro e cuarto de ESO
• Bacharelato

ANIMÁDEVOS A PARTICIPAR!

Ademáis, coincidindo con esta celebración, o alumnado de 3ºESO pertencente ao Club de Lectura, terá a oportunidade de charlar con Violeta Meléndez Doval sobre o galego nas redes.

Abril: Mes do libro

 

PREME NAS IMAXES PARA VELAS MELLOR

Día Internacional do Libro Infantil

 

Como en anos anteriores, hoxe, 2 de abril, conmemoramos o Día do Libro Infantil, data de nacemento de Hans Christian Andersen, co obxectivo de promocionar 

os libros infantís e xuvenís e a lectura entre os máis novos. 

Sobre as alas, os contos viaxan. Desexando sentir o latexo do teu corazón.

 

 

Son o Conto Viaxeiro. Vou voando a calquera sitio.

Ás veces vou nas alas do vento. Outras, nas alas das ondas.

E outras nas aliñas dun gran de area.

Por suposto, tamén subo nas alas das aves migratorias.

E, de cando en vez, incluso nas dos avións.

Despois, sento ao teu carón, abro as miñas páxinas e cóntoche a historia que queiras.

Quizais unha historia fantástica?

Ou prefires unha historia triste? De medo?

Unha para rir ás gargalladas?

E se polo de agora non queres escoitar ningunha, non pasa nada.

Seguro que algunha vez terás ganas. Daquela, chámasme. Non tes máis que dicir:

«Conto Viaxeiro, ven aquí!», e irei voando ao teu lado. 

A sección patrocinadora deste ano é Xapón que difunde a mensaxe de Eiko Kadono e o cartel de Nana Furiya co lema "Navega polos mares coas alas da túa imaxinación".

 

GÁLIX, Asociación do Libro Infantil e Xuvenil, facilítanos a tradución ao galego de Mercedes Pacheco.

Encontro con Nando López

O pasado xoves, o escritor Nando López, achegouse á nosa biblioteca para conversar co alumnado de terceiro de ESO sobre a súa experiencia de escritor e, en concreto, sobre a súa obra teatral Por qué tiene que ser todo tal difícil. 

Agradecemos ao autor a súa presenza e cordialidade, e a editorial Santillana a oportunidade de ter este encontro.

Charlas Mes da Muller: María Wonenburger

O pasado 7 de marzo, en dentro do ciclo de charlas do Mes da Muller, o alumnado de 1ºde ESO achegouse á figura da matemática coruñesa, María Wonenburger, grazas ás profesoras Manuela Candal e Marián Montero, as nosas benqueridas compañeiras.

María Wonenburger da nome á nosa biblioteca.

Lectura e familias con Andrea Maceiras

 O pasado 7 de febreiro, Andrea Maceiras participou nas actividades do programa "Lectura e familias".

As familias participantes leron Que me pare o corazón se te esquezo, e tiveron a oportunidade de falar coa recoñecida autora. 

Grazas a Antía e a todas as familias que fan posible esta interesantísima actividade.