Bo Nadal!

    O equipo de dinamizacización da biblioteca deséxavos Bo Nadal! 

Calendario de Advento literario

    Como cada decembro comezamos o noso Calendario de Advento Literario.

Cada día, ata o 25 de decembro, descubriremos unha recomendación literaria.

Benvido 2024

Xa estamos no 2024!

Se queredes comezar o ano lendo, lembrade as recomendacións do noso Calendario de Advento.

1. La chica invisible, de Aurora Ríos
2. A inmoral doutora Cons, de Roberto Frenández Álvarez
3. Dime qué comes y te diré qué bacterias tienes, de Blanca García-Orea Haro
4. Heartstopper. Dos chicos juntos, de Alice Hoseman
5. O home que matou a Antía Morgade, de Arantza Portabales
6. La Guerra Civil contada a los jóvenes, de Arturo Pérez-Reverte
7. La evolución de Calpurnia Tate, de Jacqueline Kelly
8. Asesinato en el Orient Express, de Agatha Christie
9. Los juegos del hambre. Balada de pájaros cantores y serpientes, de Suzanne Collins
10. Ollos de auga, de Domingo Villar
11. 1984, de George Orwell
12. Palabras de Caramelo, de Gonzalo Moure
13. Santoamaro, de Antonio M. Fraga
14. Mi historia, de Emmeline Pankhurst
15. Charlie e a fábrica de chocolate, de Roald Dahl
16. Jane Eyre, de Charlote Brontë
17. Los surcos del azar, de Paco Roca
18. Todo Mortadelo y Filemón, de Ibáñez
19. A balada dos unicornios, de Ledicia Costas
20. Agatha Raisin y la quiche letal, de M.C. Beaton
21. Che. Una vida revolucionaria, de Jon Lee Anderson
22. Saint Seiya. Los caballeros del Zodíaco, de Jerome Alquie
23. Gokushufudo. Yakuza Amo de casa, de Kausuke Oono
24. O neno deo pixama de raias, John Boyne

Ven á biblio!

Derradeira semana antes do Nadal

 

Imos chegando ao Nadal e xa quedan poucas ventás por abrir. 

Seguimos coas nosas recomendacións:

Santo Amaro, de Antonio M. Fraga, narra as relacións de un grupo de rapaces que rematan segundo de bacharelato durante o seu derradeiro verán xuntos. (Recomendado a partir de 4ºESO)

Con Las Sufragistas, de Emmeline Pankhurst, descubrirás a loita do movemento sufraxista no Reino Unido, da man dunha das súas representantes. (Recomendado a partir de 4ºESO)

Que podemos dicir do clásico Charlie e a fábrica de chocolate, de Roald Dahl. Unha lectura que nunca decepciona.

Unha xoia da literatura anglosaxona é Jane Eyre, de Charlotte Brontë. Relata a vida dunha orfa na Inglaterra do século XIX . 

Los surcos del azar, de Paco Roca, rememora como un grupo de supervivintes de republicanos españois acabaron liberando París en 1944. (Recomendado a partir de 4ºESO)

Con Todo Mortadelo e Filemón, queremos renderlle homenaxe a Ibáñez, que sempre foi capaz de facernos rir a gargalladas.

VEN Á BIBLO!

Seguimos co Calendario de Advento

 

Continuamos coas recomendacións de lecturas do noso Calendario de Advento.

1984, de George Orwell. Imaxina que o estado vixía todo o que fas e case o que pensas, que o único momento en que estás a salvo é cando durmes ...ou tal vez tampouco. Publicada en 1949 como unha novela de ciencia-ficción, é considerada hoxe unha das críticas máis feroces aos totalitarismos. Recomendada a partir de 4º ESO.

Palabras de Caramelo, de Gonzalo Moure, é una noveliña breve moitas veces recomendada xa neste blog. Unha historia de amizade, de superación persoal e moito máis. Recomendada a partir de 1º ESO. 

Ven á BIBLIO!

Calendario de Advento

 Xa levamos cinco días de recomendacións lectoras co noso Calendario de Advento, e como veñen días de ponte, abrimos tamén as próximas ventás:

Con Dime qué comes y te diré qué bacterias tienes, de Blanca García-Orca Haro, descubrirás como coidar a túa microbiota intestinal, porque as bacterias do noso intestino afectan á nosa conducta e poden previr ou provocar enfermidades.

A Inmoral doutora Cons, de Roberto Fernández Álvarez, está recomendada a partir de 4º de ESO. A Doutora África Cons cobre unha vacante na Galicia rural de 1940, e deberá facer fronte a tradicións fortemente arraigadas e a situacións non sempre agradables.

Con La chica invisible o exitoso Blue Jeans iniciou unha serie de thriller xuvenil cheo de misterios e xiros inesperados. Recomendado a partir de 4º de ESO.

Herartstopper 1. Dos chicos juntos, de Alice Oseman, narra unha preciosa  historia amor entre dous rapaces que te enganchará dende a primeira páxina.

A evolución de Calpurnia Tate, de Jackqueline Kelly, conta a historia dunha nena de case dez anos no seo dunha familia nunha pequena vila de Texas. Investigando e facendo ensaios, achegarase á figura e aos decubrimentos de Charles Darwin.

En La Guerra Civil contada a los jóvenes, Arturo Pérez- Reverte achega aos máis novos este episodio da recente historia de España.

En O home que matou a Antía Morgade,  de Arantza Portabales, terán que enfrontarse a un novo crime sucedio en Santiago de Compostela en xuño de 2021.  Recomendado a partir de 4º de ESO.

Ollos de auga foi a novela coa que Domingo Villar iniciou a súa andaina na narrativa policial en galego. Recomendado a partir de 4º de ESO.

Asesinato en el Orient Express é un dos clásicos de Agatha Christie. Unha víctima, doce sospeitosos e a mente privilexiada de Hercules Poirot en busca da verdade.

Suzanne Collins ofrécenos en Bálada de pájaron cantores e serpientes a precuela da famosísima saga Los juegos de hambre.

Ven á BIBLIOEBA!

Calendario de Advento en Biblioeba

 Mañá comeza decembro e un ano máis Biblioeba ten un lote de recomendacións para vós.

Cada día abriremos una ventá do noso Calendario de Advento Literario. 

Hai lecturas para todos os gustos e idades.

Ven á Biblio!

Benvido o novo ano

Comezamos este 2023 con todas as xanelas descubertas do noso Calendario de Advento Literario. Todos os libros están a túa disposición na nosa biblioteca.

Preme na imaxe para ver as recomendacións.

Achégate a Biblioeba e comeza o ano lendo.

Calendario de Advento. 24 de decembro

LOUISA MAY ALCOTT: MUJERCITAS

Queremos pechar este Calendario de Advento Literario cunha obra que sempre nos fai pensar no Nadal. 

Acompañade a estas catro irmás no seu paso da adolescencia á madurez durante a Guerra Civil dos Estados Unidos.

Este clásico da Literatura conta con varias versións cinematográficas.

O EQUIPO DE DINAMIZACIÓN DA BIBLIOTECA DESÉXAVOS UN BO NADAL!!!

Calendario de Advento. 23 de decembro

Para maiores de 16 anos.

 DOMINGO VILLAR:  A PRAIA DOS AFOGADOS

O corpo dun mariñeiro coas mans atadas ás costas aparece flotando en Panxón. O inspector Leo Caldas deberá resolver un asasinato que está rodeado por numerosas sospeitas, ningunha testemuña e moitos veciños que gardan silencio.

Calendario de Advento. 22 de decembro

 

Non recomendada para menores de 16 anos.

NACHO CARRETERP: FARIÑA

Serie e obra de teatro, pero antes que nada, libro. 

Fariña é unha obra indispensable para comprender o narcotráfico en Galicia.

Calendario de Advento. 21 de decembro

TRACY CHEVALIER:  LA JOVEN DE LA PERLA

Ao mirar un cadro nunca pensaches cal sería a historia que está detrás desa obra? Isto é exactamente o que fai Tracy Chevalier nesta estupenda novela histórica que nos transporta ao Delf do século XVII.

Tamén podes achegarte á historia a través da súa versión cinematográfica.

Calendario de Advento. 20 de decembro

 

ICHIGO TAKANO: ORANGE

Imaxina que recibes unha carta de teu eu futuro dicíndiche que non te fagas amigo do novo alumno que chegará ese día ao instituto ou algo terrible pasará. Que farías?

Calendario de Advento. 19 de decembro

 

GONZALO MOURE: ¿POR QUÉ LLORA LA MAESTRA?

Gonzalo Moure ofréceche nesta "carta larga para ti que quieres escribir", unha guía chea de consellos. Unha obra imprescindible para a xente nova (e non tan nova) que quere escribir. 

Calendario de Advento. 18 de decembro

 

MARÍA ORUÑA: EL BOSQUE DE LOS CUATRO VIENTOS

A lenda de nove aneis de bispos con poderes máxicos + un asasinato no mosteiro ourensán de Santo Estevo de Ribas de Sil na nosa época + a filla dun médico na Galicia de principios do século XIX que non está disposta a adaptarse ás convencións sociais = EL BOSQUE DE LOS CUATRO VIENTOS, unha novela que te atrapará dende a primeira páxina.

Calendario de Advento. 17 de dembro

 

YOSHOTOKI OIMA: SILENT VOICE

Unha rapaza xorda, acosada. O seu acosador, que acaba sendo acosado. É posible unha amizade entre eles?

Calendario de Advento. 16 de decembro

KONAMI KANATA: EL DULCE DE CHI

 Se estás de baixón ou simplemente tes ganas de rir, recomenámosche este manga, no que o gatiño Chi farate rir a gargalladas mentres descobre o mundo que o rodea.

Calendario de Advento. 15 de decembro

PARA MAIORES DE 16 ANOS

 

ARANTZA PORTABELES SANTOMÉ: BELEZA VERMELLA

Unha famlia adiñerada de Compostela está celebrando o San Xoan no xardín. Mentres, o corpo de Xiana, a máis nova de familia, flota nun mar de sangue. A escea recrea unha das pinturas máis famosas da súa avoa...

Calendario de Advento. 14 de decembro

 

JORDI SIERRA I FABRA: KAFKA Y LA MUÑECA VIAJERA

Antes de morrer, Frank Kafka atopuo nun parque de Berlín unha nena chorando desconsolada porque perdera a súa boneca. Para calmala, o autor de Metamorfose dille que a súa boneca está de viaxe, e convértese no seu carteiro.

Calendario de Advento. 13 de decembro

 

HIROMU ARAKA: SILVER SPOON

Yugo é un rapaz ao que non lle gustan especialmente os animais nin a natureza. Aínda así, necesita un cambio de aires e comeza a estudar nunha escola de capacitación agraria.

Da man da autora de Fullmetal Alchemist, divertiraste mentres Yugo tenta adaptarse a un mundo moi diferente ao del.